1980 онд болсон Москвагийн олимпид Ойдов аварга явах уу би явах уу гэдэг асуудал тэр үед гарч ирсэн. Тэгэхэд би 20 настай цэрэг байлаа. Ойдов аварга маань тэгэхэд хошой аварга , олимпын мөнгөн медальтай дэлхийн том бөх байсан. Тэр үед хотын аварга, улсын аварга шалгаруулах тэмцээнд би түрүүлсэн. Тэгээд Ойдов аварга бид хоёр ярьж байгаад тэр хүний дэлхийд үзүүлсэн амжилт тэр хүний туршлагыг үндэслээд 1980 оны олимпд эхлээд чөлөөт бөхөөр Ойдов аварга явахаар болж намайг Сонгомол бөхөөр явуулахаар болж би сонгомолоор барилдаж байлаа. Тэгж барилдаад Монголын тамирчдаас хамгийн анхны байрыг авчирч байлаа. Би шагналт тавдугаар байранд орсондоо их баяртай байдаг яагаад гэхээр одоог хүртэл миний энэ амжилтыг Монголд эвдсэн тамирчин одоогоор гараагүй байна....
