Монголчууд олгой хагаравч тогоондоо гэж ярьдаг. Энэ нь улс орны, нам засгийн ямар ч асуудал байлаа гэсэн дотооддоо л ярилцаж шийдвэрээ гаргая гэсэн санаа. Гэтэл Улаанбаатар хотын авто замын түгжрэл, замын хөдөлгөөний аюулгүй байдлыг сайжруулах сургалтыг БНСУ-ын Сөүл хотод очиж хийжээ. Гаднаас туршлага судлаж бололгүй яахав. Сайныг нь уусгаж аваа саарыг нь хаях хэрэгтэй. Засгийн газраас уг нь төсвийн хөрөнгөөр элдэв сургалт, сурталчилгаа, хурал зөвлөгөөн зохион байгуулахыг хатуу хориглосон.

Гаргасан шийдвэр, тогтоолыг нь дагаж биелүүлэхгүй юм бол Засгийн газар гэж байгаад яах билээ. Манай хотын захиргааныхан улсын Засгийн газрын тэргүүнээс ч том толгойтой болчихож. Үүний нэг жишээ нь Хот төлөвлөлт судалгааны инстутын захирал Р.АМАРТҮВШИН гэгч юм.  Тэрбээр 2026 оны 02 дугаар сарын 01-10-ний өдрүүдэд БНСУ-ын СӨҮЛ хот руу 7 сая 162 мянган төгрөгөөр яваад иржээ. Мөн тэрбээр НЗД-ын А/92 тоот захирамжаар 28 сая 895 мянган төгрөгийн УРАМШУУЛАЛ авч байжээ.