Сүүлийн үед үүсээд буй улстөр, хуулийн байгууллагынханы асуудлаар Хууль зүй, дотоод хэргийн сайд С.Амарсайхан баримт нотолгоотой хариу тайлбар хийлээ. Тэрбээр Хууль зүй, дотоод хэргийн салбарт анхаарах зүйл их бий. Ялангуяа дотоод хэргийн салбарт маш ноцтой зүйлүүд үүссэн. Цагдаа, шүүхийн шийдвэрийнхэн улстөрийн зорилгоор хөдлөдөг, Улстөрчдөөс захиалга авдаг. Салбарын сайдынхаа нэрийг барьдаг боллоо. Үүнийг яаралтай таслан зогсооно. Тийм учраас ҮАБЗ, УИХ-ын чуулганд дотоод нөхцөл байдлын талаар ХААЛТТАЙ МЭДЭЭЛЭЛ өгнө. Намайг улстөрд орсноос хойш гүтгэж байгаа. Энэ бүхэнд нь хүндэтгэлтэй хандаж тэвчиж байгаа ч миний ГЭР БҮЛ, ҮР ХҮҮХЭД, УДАМ СУДРЫГ МИНЬ харлуулж, доромжилж байгаатай хэрхэв ч эвлэрэхгүй гэдгээ мэдэгдлээ.