Бүгд Найрамдах Казахстан Улсын Хөдөө аж ахуйн сайд Айдарбек Сапаровтой өнөөдөр албан ёсны уулзалт хийлээ. Төв Ази дахь чухал түнш БНКазУ-тай хөгжүүлж буй уламжлалт найрсаг харилцааг бэхжүүлэх, харилцан ашигтай худалдаа, эдийн засгийн хамтын ажиллагааг өргөжүүлэн гүнзгийрүүлэх нь Монгол Улсын гадаад бодлогын чухал зорилтын нэг юм.

Талууд хоёр улсын Төрийн тэргүүн нарын ярьж тохирсон худалдаа, эдийн засаг, хөрөнгө оруулалт, тээвэр логистик, газрын тосны түүхий эд нийлүүлэлт зэрэг асуудлаар харилцан санал солилцож, бодит ажил болгохоо илэрхийллээ. Хоёр улсын худалдааны эргэлтийг нэмэгдүүлэх өргөн боломж бий учраас тээвэр логистикийн чиглэлээр хамтран ажиллаж, худалдаа, эдийн засгийн хамтын ажиллагааг хөгжүүлэх нь чухал байгааг БНКазУ-ын Хөдөө аж ахуйн сайд А.Сапаров онцоллоо.