Өмнөговь аймаг "Тэрбум мод" үндэсний хөдөлгөөний хүрээнд 2023 онд 260.0 мянган мод тарихаар төлөвлөж, хаврын "Бүх нийтээр мод тарих" ажлыг 4 сарын 28-ны өдөр эхлүүлсэн бөгөөд 15 сумын нутаг дэвсгэрт 38930 мод тарьснаас аж ахуйн нэгж, байгууллагын гадна болон цэцэрлэгт хүрээлэн, нэрэмжит төгөлд 31932 ш, 340 өрх айл хашаандаа 4698 ш, уул уурхайн 2 компани 2300 ш мод тарьжээ.

Тус үйл ажиллагаанд 2070 иргэн, 115 аж ахуйн нэгж, байгууллага оролцож, 83.9 сая төгрөг зарцуулж, төв суурингийн хамгаалалтын ойн зурвас 57.1га талбайгаар нэмэгдсэн байна.