Сэлэнгэ аймгийн Ерөө сумын Бугант тосгоноос 40км зайд орших Хадагтайн мод гэдэг газарт 2023.06.12-ны өдөр ойн түймэр гарсан бөгөөд түймэрт Аймгийн онцгой байдлын газраас 22 хүн, Ерөө сум Дундын Ойн анги болон байгаль хамгаалагч, Аж ахуйн нэгжүүдээс нийтдээ 30-аад хүний бүрэлдэхүүнтэй баг түймрийг унтраахаар ажиллаж байна. Мөн Бугант тосгоноос нэмэлт хүч илгээхээр болжээ.

 

Мөн 2023 оны 06 сарын 11-ний өдөр хиймэл дагуулын мэдээгээр Сэлэнгэ аймгийн Ерөө, Бугант тосгоноос зүүн хойшоо 80-аад км зайд хоёр улсын хилийн заагт Ойн түймэр асаж байгааг илрүүлсэн. ОБЕГ -с нисдэг тэргээр 22 албан хаагч түймэрт ажиллахаар гарсныг мэдээллээ. Хэнтий аймгийн Батширээт сум, ОХУ хилийн хэсэгт мөн Ойн түймэр гарсныг ОХУ талаас цурамд оруулж бүрэн унтраахаар ажиллаж байна.