УИХ-аар нүүрсний хулгайн асуудлаар нээлттэй хэлэлцүүлэг явуулах тогтоол гарсан ч түр хорооноос уг хэлэлцүүлгийг хийхгүй байсаар байгаад татан буугдлаа. Энэ үеэр УИХ-ын гишүүн, АН-ын бүлгийн дэд дарга  Н.Ганибалаас тодруулахад

Нүүрсний хулгайтай холбоотой нээлттэй сонсгол явуулахаар бэлдэж байтал АТГ-аас мөрдөн шалгах ажиллагаанд саад учруулж  болзошгүй байгаа тул түр хойшлуулж өгөөч гэсэн юм билээ. Гэхдээ үүний цаана бас улстөр бий. Тодруулбал МАН-ын дарга Л.Оюун-Эрдэнэ чиглэл өгч нээлттэй сонсголыг болиулсан гэсэн. Эрх баригч намыг олон гишүүн уг хулгайд холбоотой учраас зориудаар нөлөөлж уг хэлэлцүүлгийг болиулсан гэж үзэж байгаа. Г.Ганболд дарга түр хорооны хуралдаанаа зарласан ч гишүүдийн ирц бүрдээгүй. Тэгэхээр намын даргын захиалгаар гацааж байгаа гэж хардах үндэслэлтэй” гэв.