Чөлөөт бөхийн дэлхийн чансаа олгох ээлжит тэмцээн Унгарын Будапешт хотод боллоо. Тэмцээнээс Монголын шигшээ баг 2 алт, 2 хүрэл нийт дөрвөн медаль хүртсэн байна. Тодруулбал,

• Эрэгтэй -65 кг жинд Төмөр-Очирын Тулга алт
• Эмэгтэй -50 кг жинд Долгоржавын Отгонжаргал хүрэл
• Эмэгтэй -53 кг жинд Бат-Очирын Болортуяа алт
• Эмэгтэй -72 кг жинд Энх-Амарын Даваанасан хүрэл медаль тус тус хүртлээ.

Токиогийн олимпын хүрэл медальт Б.Болортуяа европын хошой аварга Шведийн Эмма Малмгрен, ДАШТ-ий хүрэл медальт Канадын Диана Уайкер, өнгөрсөн жилийн дэлхийн аварга АНУ-ын Доминик Парриш нарыг ялж алтан медаль хүртсэн. Харин Т.Тулга АНУ, Канад, Унгар, Киргизийн бөхчүүдэд нэг ч оноо алдалгүй цэвэр ялсаар аварга болсон байна.