Уулзалтын эхэнд аймгийн ИТХ-ын дарга Г.Пүрэвганди: Ховд аймгийн ИТХ-аас хөрөнгө оруулалт, бүтээн байгуулалт, аялал жуулчлал, газар тариалангийн чиглэлээр батлан хэрэгжүүлж байгаа хөтөлбөрүүдийн талаар болон аймаг орон нутгийн нийгэм, эдийн засгийн талаар танилцууллаа.

АНУ-ын Элчин сайдын яамны төлөөлөл нь манай аймгийн эдийн засаг, бизнесийн орчин, тэдгээрийн хөгжлийн талаар илүү ойлголттой болох, цаашдын хамтын ажиллагааны боломжуудыг эрэлхийлэх зорилготойгоор ажлын айлчлал хийж байна.

Цаашид АНУ, Монгол 2 улсын засгийн газраас хамтын ажиллагааны хүрээнд манай аймгийн эдийн засаг, бизнесийн орчинд хамтран ажиллах боломж байгаа талаар санал солилцож, нэгдсэн ойлголтод хүрлээ