Үндэсний давхар даатгал ХК-ийн Гүйцэтгэх захирлын үүргийг түр орлон гүйцэтгэгч Б.Жавхлант, Номин даатгал ХХК-ийн Гүйцэтгэх захирал С.Ганбаатар, Нэкст сошиал платформ ХХК-ийн Гүйцэтгэх захирал Б.Мөнххишиг нар хамтын ажиллагааны гэрээнд гарын үсэг зурлаа.

Тус гэрээний хүрээнд эрүүл мэндийн TPA/Даатгалын дундын үйлчилгээг хэрэгжүүлэх бөгөөд даатгагч, даатгуулагч, эрүүл мэндийн үйлчилгээ үзүүлэгчдийн хооронд нөхөн төлбөр болон онлайн /телемедицин/ үйлчилгээг хурдан шуурхай явуулж, эрүүл мэндийн даатгалын зах зээлийн цар хүрээг өргөжүүлэн тэлэх чухал алхам болж байна.