“Оюутолгой” ХХК нь Өмнөговь аймгийн ЗДТГ, Ханбогд сумын ЗДТГ, БХБЯамтай хамтран Ханбогд сумын төвийн хөгжлийн ерөнхий төлөвлөгөөг хэрэгжүүлэхэд 5 жилийн хугацаанд 50 сая.ам долларын хөрөнгө оруулалт хийх зорилго бүхий Харилцан ойлголцлын санамж бичгийг 2022 онд байгуулсан билээ.

Уг хөрөнгө оруулалтыг хэрэгжүүлэх нэгж болох “Ханбогдын хөгжлийн хурдасгуур Оюутолгой”санг ТББ-ын статустайгаар байгуулсан. Засаг дарга Р.Сэддорж өнөөдөр тус сангийн үйл ажиллагаа, ажлын явц, хэрэгжүүлж буй төсөл хөтөлбөрүүдтэй танилцаж байна.