Ханбогд сумын 1, 2 дугаар сургуулийн 11 англи хэлний багш болон 1 сэтгэл зүйчийн судлагдахуунд суурилсан “Нэгдмэл Зорилго” мэргэжлийн хөгжлийн бүлгэм (Shared Goal Professional Learning Community) анх 2022 оны 10-р сард байгуулагджээ.

”Нэгдмэл Зорилго” мэргэжлийн хөгжлийн бүлгэмээрээ тэд англи хэлээс гадна зүрх сэтгэлийн болоод экологийн боловсролыг хичээл сургалтандаа хамруулан сурагчдадаа олгож, 2 сургуулийн англи хэл судлан үзэж буй 1000 гаруй сурагчдынхаа тайлант тоглолтыг 2024 оны 05 дүгээр сарын 05-ны өдөр Өмнөговь аймгийн Ханбогд сумын “Үлэмжийн чанар” соёлын төв өргөөнд өргөн цар хүрээнд зохион байгууллаа.

Сурагчдын тайлан тоглолт 100% англи хэл дээр болсон бөгөөд 1 болон 2-р сургуулийн 5-12 дугаар ангийн нийт 1078 сурагч оролцжээ.