Авлига, осол гэмтэл, тендер, төсвийн хулгайн гал голомт болсон Эрдэнэт үйлдвэрээс сайн мэдээ сонсоход тун бэрх. Саяхан Ерөнхий менежер нь ХУУЛЬ БУСААР БАЯЖСАН хэргээр шалгагдаж, гэрээс нь их хэмжээний гадаад валют хурааж авсан. Энэ хэрэг шийдэгдээгүй байхад тус үйлдвэрт осол гарч нэг ажилтан хүнд гэмтэл авч, Орхон аймгийн БОЭТ-д эмчлүүлж байна. Тодруулбал "Эрдэнэт үйлдвэр" ТӨҮГ-ын  Ус хангамжийн цех, цэвэрлэх байгууламжийн хэсгийн хлораторын станцад дэлбэрэлт болсны улмаас нэг ажилтан хүнд бэртэж эмнэлэгт гэтлийн тасагт эмчлүүлж байгаа аж. Ажлаа хийж яваад дэлбэрэлтэд өртсөн тухайн иргэний хөл хугарсан, гарын шуу, сарвуу нь цуурсан байдалтай байгаа гэдгийг эх сурвалж мэдээллээ. Түүнчлэн тус цехэд дадлага хийж байсан оюутан мөн түлэгдэж, мөн эмнэлэгийн тусламж авч байгаа аж.