Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, Хан-Уул дүүргийн Засаг даргын “Эко-Эрүүл дүүрэг” хөтөлбөрийн хүрээнд 14 дүгээр хороо, Айцын аманд Ойн төгөл байгуулж, ойжуулах ажил төлөвлөгөөт хуваарийн дагуу явагдаж буй.

Өнгөрсөн жилүүдэд тус ойн төглийн 12.3 га талбайд 19,000 гаруй мод, бут сөөг тарьж, модны ургалт, арчлалт, хамгаалалтыг чиг үүргийн байгууллагууд жилийн дөрвөн улиралд тогтмол хийж гүйцэтгэж буй.

Өнөөдөр тус ойн төгөлд нийслэл, дүүргийн төр захиргааны 500 гаруй ажилтан, албан хаагчид модны арчлалт, усалгааны ажилд оролцлоо.

Энэ жил дүүргийн хэмжээнд “Ногоон хот – Иргэний оролцоо” аяныг өрнүүлж, “Арчлахгүй бол ургахгүй” уриан дор дараах ажлыг төлөвлөн ажиллаж байна.

-Аяны хүрээнд дүүргийн хэмжээнд мод, бут сөөг нэмж тарих, ногоон байгууламжийг нэмэгдүүлэх,

- Айцын ам ойн төглийн усалгаа арчилгаа, нөхөн тарилт хийх,

-Гэр хорооллын бүсэд гоёл чимэглэлийн болон жимсний 10 мянга гаруй мод, бут сөөг тарих,

-Орон сууц хороолол, нийтийн эзэмшлийн гудамж талбайд гоёл чимэглэлийн 3,675 ширхэг мод, бут сөөг тарих,

-Нийтийн эзэмшил, бичил цэцэрлэгт хүрээлэнгийн ногоон байгууламжийн арчилгааны ажлын хүрээнд 1300 гаруй мод, 3000 гаруй бут сөөг, 5000 гаруй ургамлан хашлагыг шинээр болон нөхөн тарих зэрэг ажлыг төлөвлөөд байна.

ЭКО дүүргийн иргэн бүр хашаандаа мод тарьж, тарьсан модоо арчлан, ургуулахыг УРИАЛЖ байна.

ЭКО-ЭРҮҮЛ ДҮҮРЭГ