Биеийн тамир, спортын газрын дасгалжуулагч Х.Рэнцэндорж багштай эмэгтэй баг U7-8 насны ангиллын анхны тэмцээнд тэргүүлж, "АЛТАН МЕДАЛЬ"хүртэж анхдагч АВАРГА баг боллоо. Рэнцэндоржийн Сувд-Эрдэнэ "Өсөх Ирээдүйтэй тамирчин"-аар шалгарлаа.

Мөн тус тэмцээнд Өмнөговь аймгийн Арслан клубын U7-8 насны эмэгтэй баг МӨНГӨН МЕДАЛЬ, Булган сумын U10 насны эрэгтэй баг ХҮРЭЛ МЕДАЛЬ тус тус хүртэж, бахдам амжилт үзүүллээ.Волейболын спортын нэгэн шинэ үе болох 3000 орчим тамирчин Улаанбаатар хотноо Буянт-Ухаа спортын ордонд 2024.06.10-16-ны өдрүүдэд хурд хүч, авхаалж самбаагаа сорин өрсөлдөж, ирээдүйн Монгол улсын шигшээ багийн тамирчин цаашлаад гадны улсад легионер тоглогч болох 5-12 насны бяцхан тамирчид амжилтын гараагаа ийнхүү эхлүүллээ.

Дашрамд дурьдахад, U7-8 насны ангилал нь энэ оноос эхлэн анх удаагаа улсын аваргын мини-волейболын тэмцээний ангилалд орж байгаагаараа онцлогтой бөгөөд энэ насны ангилалд Өмнөговь аймгийн эмэгтэй баг түрүүллээ.Тус охидын баг нь Өмнөговь аймгийн Даланзадгад сумын Лаборатори 1 дүгээр сургуулийн Ж.Баясгалан багштай 2ё ангийн сурагчид юм.