Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд “Монголын төмөр зам” ТӨХК өнөөдөр (2025.05.24) Баянзүрх дүүргийн нутаг дэвсгэрт орших Олон улсын эко цэцэрлэгт хүрээлэнд 200 ширхэг хайлаас модны суулгацыг тарилаа. “Тэрбум мод” үндэсний хөдөлгөөнд нэгдсэн цагаас (2021 он) хойш “Монголын төмөр зам” ТӨХК нь Улаанбаатар хотод жил бүрийн тав, аравдугаар саруудад мод тарихын зэрэгцээ “Тавантолгой-Зүүнбаян” чиглэлийн төмөр замын өртөө, зөрлөгүүдэд тогтмол мод тарьж, арчилж байна.