Анхны жишиг “20 минутын хот” болох Сэлбэ дэд төвийн эхний ээлжийн 4400 айлын орон сууцны барилгын ажлыг энэ пүрэв гарагт эхлүүлнэ. Өнгөрсөн хавар зарласан эхний хоёр багц тендерийн бүтээн байгуулалт “Зургаан буудал”-ын “Оргил” худалдааны төв орчимд өрнөнө.

Түүнээс гадна дээрх хорооллуудын цэвэр усны шугамыг анх удаа зэс хоолойгоор угсарч, дээвэр дээр нь нарны эрчим хүчний хавтан байрлуулахаар төлөвлөсөн. Уг хуримтлуулсан эрчим хүчээр орцны гэрэл, лифт, гарааш зэрэг нийтийн эзэмшлийн талбайн цахилгааны хэрэглээг шийдэх юм.