УИХ-ын чуулганы хуралдаанаар Монгол Улсын Ерөнхий сайд Л.ОЮУН-ЭРДЭНЭД итгэл үзүүлэх эсэх асуудлыг хэлэлцэж байна. Чуулганы хуралдаанд Ерөнхийлөгч У.Хүрэлсүх оролцож үг хэллээ. Тэрбээр "Ерөнхийлөгчийн зүгээс энэ Засгийн газрыг бүх талаар нь дэмжсэн шүү. Би ахиж сонгогдохгүй. Тийм дабль стандарт байх ёсгүй. Би Парламентын Засаглалтай байхыг дэмжиж ирсэн. Албан тушаалтай зууралдаад байдаг хүн би биш. Шадар сайд, Ерөнхий сайдын сэнтийгээс ч өөрөө огцорч байсан хүн.  Ерөнхийлөгчийн өндөр сэнтийг би гадныханд 50 сая воноор зараагүй. Таван нам дамжиж амьдраагүй. Эхнэрээ солиогүй. Намаа солиогүй. Нөхдөөсөө урваагүй. Дээр нь би эх орондоо хайртай.

Би ард түмнийхээ төлөө бат зогсоно шүү. Ард түмнээсээ хэзээ ч урвахгүй. Хамтарсан засгийн газар харамсалтайгаар өндөрлөж байна. Би тултал нь дэмжсэн. Энэ засгийн газар яагаад тарах болсныг надаас биш Ерөнхий сайдаасаа асуугаарай.