БНХАУ-аас Замын-Үүдэд суугаа Ерөнхий Консулын Газраас Дундговь аймгийн ерөнхий боловсролын сургуулийн суралцагчдыг долоодугаар сарын 1-7-ны өдрүүдэд ӨМӨЗО-ны нийслэл Хөх хот, Бугат, Жинин хотуудаар танилцах айлчлалыг зохион байгуулж байна.

Тус айлчлалд Дундговь аймгаас оролцож буй 18 суралцагчийг өнөөдөр аймгийн Засаг дарга С.Мөнхчулуун хүлээн авч уулзан, амжилт хүсэн, үдэж өглөө. Суралцагчид тус муж, хотуудын боловсролын байгууллага, үйлдвэр, аялал жуулчлалын бүсүүдтэй танилцаж, амрангаа туршлага судлах юм.