Гүрж Улсын Батуми хотод зургаадугаар сарын 22-оос долоодугаар сарын 2-ны хооронд зохиогдсон 12 хүртэлх насны өсвөрийн шатарчдын “Дэлхийн цом”-ын аварга шалгаруулах тэмцээнд Монголын баг амжилттай оролцож охидын ангилалд И.Цэлмүүн хүрэл медаль хүртсэн ба түүний дасгалжуулагчаар Э.Энхнар ажилласан байна.

Ингэснээр И.Цэлмүүн охин Шатрын спортын Дэлхийн цомын тэмцээнээс анхны хүрэл медалийг эх орондоо авчирлаа. Тэрбээр Монгол Улсын 4 удаагийн аварга шатарчин юм. 12 хүртэл насны өсвөрийн шатарчдын “Дэлхийн цом”-ын аварга шалгаруулах тэмцээнд Монгол Улсын дөрвөн тамирчин оролцжээ.