Хичээлийн шинэ жил, 9 дүгээр сарын 01-ний өдрөөр Монгол Улсын Ерөнхий сайд Г.Занданшатар бүх шатны сургалтын байгууллагын суралцагч нарт Засгийн газрын нэрийн өмнөөс илгээсэн "ЭРХЭМ ДҮҮД ИЛГЭЭХ ЗАХИДАЛ" -ыг хэвлэж тараасан. Дээрх захиаг төсвийн мөнгөөр хэвлэж, Б.Батцэцэг сайдын "Мөнхийн үсэг" компанид хэвлүүлсэн гэдэг мэдээлэл цацагдаад буй. Үүнтэй холбоотойгоор УИХ-ын гишүүн Б.БАТЦЭЦЭГ дараах мэдэгдлийг гаргажээ. 

МЭДЭГДЭЛ

Олон нийтийн цахим сүлжээнд Монгол Улсын Ерөнхий сайдын илгээлт захидлыг "Мөнхийн үсэг" ХХК 8 тэрбум төгрөгөөр хэвлэсэн гэх үндэслэлгүй, ташаа мэдээлэл зориуд, зохион байгуулалттайгаар тарааж, олон нийтийг төөрөгдүүлж байгаад харамсаж байна. Мөн миний бие төрийн албанд зүтгэсэн цагаас эхлэн тус компанийн үйл ажиллагаанд ямар нэгэн хэлбэрээр оролцож байгаагүй, компанийн аливаа шийдвэр, үйл ажиллагааг удирдан чиглүүлдэггүй болохыг хариуцлагатайгаар мэдэгдэж байна.

Хувь хүн, төрийн албан тушаалтан, улстөрчийн хувьд би ашиг сонирхлын зөрчлөөс ангид, ёс зүйтэй, шударга байдлыг эрхэмлэн ажилласаар ирсэн. Энэ бол миний тууштай баримталдаг зарчим юм. Худал мэдээлэл тарааж, олон нийтийн санаа бодолд нөлөөлөхийг оролдож буй аливаа үйлдэлд хуулийн дагуу хариуцлага тооцуулах болно. УИХ-ын гишүүн Б.Батцэцэ