Байгалийн гамшигт өртсөн арван өрхөд өргөө цагаан гэр өглөө. Дүүргийн Засаг даргын тамгын газар, Австралийн Улаан загалмайн нийгэмлэг, Монголын Улаан загалмайн нийгэмлэг хамтран “Монгол гэр” хүмүүнлэгийн тусламжийг зохион байгуулж, байгалийн гамшигт өртөж гэрээ дахин ашиглах боломжгүй болсон 21, 24, 32, 33 дугаар хорооны арван өрхөд өргөө цагаан гэр, эд материал, хүнсний тусламж үзүүллээ.

Дүүргийн онцгой байдлын хэлтсээс байгалийн гамшигт өртсөн бусад өрхийн хохирлын үнэлгээг гаргаж байна. Үүний дараагаар Засгийн газрын нөөц хөрөнгө болон дүүргийн Засаг даргын нөөц хөрөнгөөс хохирол учирсан иргэдэд дэмжлэг үзүүлнэ.