Монголын хүүхдийн спортын VIII наадмын зуны спортын төрөл жүдо бөхийн Хан-Уул дүүргийн аварга шалгаруулах тэмцээнийг Монголын жүдо бөхийн холбоотой хамтран Хан-Уул дүүргийн Биеийн тамир, спорт хорооны спорт зааланд зохион байгууллаа.

Тэмцээний нээлтийн ажиллагаанд Хан-Уул дүүргийн Засаг даргын орлогч Ч.Базарзаяа болон холбогдох албаныхан оролцож, шагнал гардууллаа.

Тэмцээнд 31 байгууллагын 460 гаруй өсвөр үеийн тамирчид оролцож, тэргүүн байрт шалгарсан тамирчид зуны шигшээ тэмцээнд оролцох эрхээ авч, багийн нийлбэр дүнгээр Тэргүүн байрт 34-р сургууль, Дэд байрт 7-р сургууль, Гутгаар байрт 15-р сургуулийн баг хамт олон тус тус шалгарлаа.