Хан-Уул дүүргийн Засаг даргын захирамжаар цэрэг татлагын үйл ажиллагаа Ерөнхий боловсролын 34 дүгээр сургуулийн байранд 5 дугаар сарын 2-4-ний өдрүүдэд зохион байгуулагдана.

Нээлтийн арга хэмжээнд Хан-Уул дүүргийн Засаг дарга Б.Цэрэн, Тамгын газрын дарга З.Буянт болон холбогдох албаны төлөөлөл оролцлоо.

Хугацаат цэргийн алба хааснаар Монгол Улсын тусгаар тогтнол, бүрэн эрхт байдал, нутаг дэвсгэрийн хил хязгаарын бүрэн бүтэн байдлыг хамгаалахад хувь нэмрээ оруулж, цэргийн эрдэмд суралцаж, бие бялдрын өв тэгш хөгжилтэй, хатуужил тэвчээртэй иргэн болон төлөвших ач холбогдолтой.

Зарлан дуудах мэдэгдэл хүлээн авсан Хан-Уул дүүргийн цэргийн насны залуучууд та бүхнийг иргэний үүргээ биелүүлэн ээлжит цэрэг татлагад идэвхтэй хамрагдахыг уриалж байна.