2024-2025 оны жилийн эцсийн мал тооллогын нэгдсэн дүнгээр Монгол улс 58,1 сая толгой малтай байна. Уламжлалт сар шинийн баярыг тохиолдуулан мал сүргээ таван төрөлд нь өсгөж, малынхаа ашиг шимийг хүртэж, хашаа хороо, өвөлжөө бууцаа цэгцэлж, туслах малчин малжуулсан, улс, аймаг, сум дүүрэгтээ татвар хураамж төлсөн малчид болон урдийнхаасаа аврин ургац хураасан тариаланчид, сүү саалиа ахиутай авч, улсынхаа ажилд хувь нэмрээ оруулсан фермерүүдийг онцгойлон шалгаруулж, “УЛСЫН ХОШОЙ АВАРГА”, “УЛСЫН АВАРГА” зэрэг шагнал олгож, улаан халзтай, таван ханатай монгол гэр, агар хувин, мөнгөн аягаар шагнаж, энгэрт нь олон тэмдэг зүүж өгдөг.

“Сүрээр дарагч” хэмээх гал морин жилийн сар шинийн босгон дээр “Улсын хошой аварга малчин” 8, “Улсын аварга малчин” 101, “Улсын аварга фермер” 9, “Улсын аварга саальчин” 6, “Улсын аварга тариаланч” 12, нийт 136 аварга тодорчээ.