Жижиг, дунд үйлдвэрийн газрын дарга Я.Эрдэнэсайхан Бүгд Найрамдах Солонгос Улсаас Монгол Улсад суугаа Элчин сайд Чой Жин Вонтэй 2026.02.25-ны өдөр уулзалт хийв. Уулзалтаар БНСУ-д тогтмол зохион байгуулагддаг арга хэмжээг байнга дэмжиж ирсэнд талархал илэрхийлээд Монгол-Солонгосын ЖДҮ эрхлэгчид, бизнес эрхлэгчдийг холбох, хоорондын хамтын ажиллагаа, худалдааг бэхжүүлэн хөгжүүлэх, “Монголд үйлдвэрлэв-2026 үзэсгэлэн худалдааг Сөүл хотноо 8 удаагаа зохион байгуулах талаар ярилцлаа. Тус арга хэмжээ 2026 оны 03 дугаар сарын 14-17-ний өдрүүдэд Сөүл хот Дунгдэмүн дүүрэгт зохион байгуулагдана.