Засгийн газрын ээлжит хуралдаанаар Гадаад зээллэгийн ашиглалт, үр ашгийг нэмэгдүүлэх тухай хуулийн төсөлд Сэлбэ дэд төвийг хасаж Эрдэнэбүрэн, Газрын тос боловсруулах үйлдвэрийг “урагшлуулах” горимоор Засгийн газраас УИХ-д дахин өргөн барихаар боллоо. Энэ асуудал нэн яаралтай горимоор шийдэгдвэл Газрын тос боловсруулах үйлдвэрийн бүтээн байгуулалтад зарцуулагдах зээлийн хэрэглээ өсөж бүтээн байгуулалтын ажил эрчимжиж үйлдвэрийн ажлыг шуурхайлах боломж бүрдэх шийдвэрийг гаргалаа. УИХ болон холбогдох байнгын хороодоор удахгүй хэлэлцүүлэх аж. 

Түүнчлэн Агаарын хөлгийн түлш нийлүүлэх тухай гэрээг соёрхон батлах хуулийг УИХ-д өргөн барихаар боллоо. Мөн хоёр дахь гэрээ нь нефтийн бүтээгдэхүүнээр Монгол Улсыг тасралтгүй хангах тухай. Гэрээг УИХ соёрхон баталснаар Монгол Улсыг ОХУ нефтийн бүтээгдэхүүнээр тогтвортой хангах эрх зүйн баримт бичигтэй болохоор боллоо.