Монголбанкны иргэдийн санхүү, эдийн засгийн мэдлэгийг дээшлүүлэх зорилтын хүрээнд санхүүгийн боловсрол олгох сургалтыг 2026 оны 6 дугаар сарын 10-ны өдөр амжилттай зохион байгууллаа.

Тус сургалтад Засгийн газрын хэрэгжүүлэгч агентлаг Соёл, урлагийн газрын 35 албан хаагч хамрагдаж, Монголбанкны Эрдэнэсийн сан болон Мөнгөн тэмдэгтийн музейн танхимаар зочлон, хувийн болон өрхийн төсөв, зээлийн талаарх мэдлэгээ нэмэгдүүллээ.

Сургалтыг Монголбанкны Санхүүгийн боловсрол, харилцааны газрын Санхүүгийн боловсролын хэлтсээс зохион байгуулсан бөгөөд санхүү, эдийн засгийн суурь ойлголт, хувийн болон өрхийн төсвөө зөв төлөвлөх арга барил, орлогоо оновчтой хуваарилах, хэрэгцээ шаардлагаа зөв тодорхойлох, хуримтлал үүсгэх талаар мэдлэг олгосон сургалт боллоо.