Гэр бүл, хөдөлмөр, нийгмийн хамгааллын сайд Т.Аубакир яамны холбогдох удирдлагууд, харьяа байгууллагуудын дарга нарын хамт Өмнөговь аймагт ажиллаж байна.

Өмнөговь аймаг дахь гэр бүл, хөдөлмөр, нийгмийн хамгааллын салбарын 80 гаруй ажилтан, албан хаагчтай уулзаж, салбарын албан хаагчдын хөдөлмөрлөх орчин, тулгарч байгаа асуудлууд болон цаашид хэрэгжүүлэх ажлын талаарх санал хүсэлтийг нь нээлттэй сонсож, ярилцлаа.

Мөн салбартаа үр бүтээлтэй ажиллаж, мэдлэг чадвар, зүтгэлээрээ бусдыгаа манлайлсан шилдэг албан хаагчдыг Монгол Улсын Засгийн газрын шагналаар шагнаж урамшуулан, баяр хүргэлээ.