Гэр бүл, хөдөлмөр, нийгмийн хамгааллын сайд Т.Аубакир Өмнөговь аймгийн Хөгжлийн бэрхшээлтэй хүний хөгжлийн газар болон "Энэрэл" хүний хөгжлийн төвүүдийн үйл ажиллагаа, өнөөгийн нөхцөл байдалтай газар дээр нь очиж танилцан ажиллалаа.

Өмнөговь аймаг дахь Хөгжлийн бэрхшээлтэй хүний хөгжлийн төв нь 2026 оны эхний хагас жилийн байдлаар давхардсан тоогоор 3847 хөгжлийн бэрхшээлтэй иргэн, ахмад настан болон бусад иргэдэд хөгжлийн цогц үйлчилгээ үзүүлсэн байна.

Уулзалтын үеэр тус төвүүдийн барилга байгууламж, хүчин чадал, тулгамдаж буй асуудлуудын талаар төвийн удирдлагууд болон салбарын мэргэжилтнүүд санал, хүсэлтээ хэлж, зорилтот бүлгийн иргэд, тэр дундаа хүүхэд багачуудад хөгжлийн үйлчилгээг саадгүй, чанартай, хүртээмжтэй хүргэхэд тус төвүүдийн үүрэг, оролцоо хамгийн чухал юм.