Зам, тээврийн яамнаас салбарын үйл ажиллагааг иргэд, олон нийтэд нээлттэй, ил тод хүргэх, мэдээ мэдээлэл өгөх, иргэдийн санал хүсэлтийг хүлээн авах, тулгамдаж буй асуудлыг хамтран шийдвэрлэх зорилгоор гурван өдрийн турш “Нээлттэй хаалганы өдөрлөг”-ийг зохион байгуулж байгаа билээ.

Энэхүү өдөрлөгөөр Засгийн газрын "ЧӨЛӨӨЛЬЕ" аяны хүрээнд иргэд, олон нийтэд Зам, тээврийн салбараас "чөлөөлж" буй тусгай зөвшөөрөл, үйлчилгээнүүдийг танилцуулахаас гадна дэд бүтцийн салбарт хэрэгжүүлж буй томоохон бүтээн байгуулалт, төсөл хөтөлбөрүүдийг сонирхуулж, зам, тээврийн салбарын бүх үйлчилгээг нэг дороос, түргэн шуурхай өгч байгаа юм. Урьдчилсан мэдээллээр гурван өдрийн турш Сүхбаатарын талбайгаар 2000 орчим иргэн үйлчилгээ авсан байна.