Говьсүмбэр, Булган, Дундговь, Өвөрхангай, Хэнтий гэсэн 5 аймагт Нарны цахилгаан станц, Батарей хуримтлуурын төслийг хэрэгжүүлэх 5 компанийг өчигдөр /2026.06.18/ 09.00 цагаас 19.30 цаг хүртэл бүтэн өдрийн турш нээлттэй сонгон шалгаруулалтаар буюу аукционоор сонголоо.

Эрчим хүчний салбарын түүхэнд шинэ хуудас нээж, анх ил тод, нээлттэй зохион байгуулсан сонгон шалгаруулалтад төсөл хэрэгжүүлэх эрхийн төлөө 19 оролцогч өрсөлдөж, хамгийн бага үнэ хэлсэн 3 компани, 2 түншлэл шалгарав. Төсөлд шалгарсан компаниудыг танилцуулж байна.