“Эрдэнэс Монгол” нэгдлийн Гүйцэтгэх захирал Б.Даваадалай POSCO International корпорацын Дэд ерөнхийлөгч Жон Гён Жин нар хамтын ажиллагааны санамж бичигт өнөөдөр (2026.06.11) гарын үсэг зурлаа.

Дэлхийд ган үйлдвэрлэлээрээ тэргүүлж буй, БНСУ-ын аж үйлдвэрийн салбарт хамгийн томд тооцогддог POSCO группийн POSCO International корпорацтай газрын ховор элемент, гангийн үйлдвэрлэл, үйлдвэр технологийн парк хөгжүүлэх чиглэлээр хамтран ажиллах юм.  Энэхүү хамтын ажиллагаа нь түүхий эдийг боловсруулж, дэлхий даяар үйлдвэрлэлд ашиглах, аж үйлдвэрийн гинжин хэлхээг хөгжүүлэх замаар Монголын баялгийн үнэ цэн, үр өгөөжийг нэмэгдүүлэх ач холбогдолтой.  1968 онд байгуулагдсан POSCO Group нь гангийн үйлдвэрлэлээрээ дэлхийд тэргүүлэгчдийн нэг бөгөөд өдгөө эрчим хүч, дэд бүтэц, барилга, худалдаа, логистик, өндөр технологийн материалын салбарт дэлхийн хэмжээний корпорац болон хөгжөөд байна