ЭРХЭМ УРАЛДААНЧ ХҮҮХЭД МИНЬ,  Чи Монголын сайхан уламжлалыг өвлөн үргэлжлүүлж яваа бахархалтай хүүхэд юм.
Гэхдээ аливаа уралдаанд оролцохдоо өөрийн аюулгүй байдлыг хамгийн түрүүнд анхаараарай.

Уралдааны өмнө
• Хамгаалалтын зориулалтын малгай, хантааз, гутал болон бусад хэрэгслийг бүрэн өмс.
• Мориныхоо тоног хэрэгслийг том хүнтэй хамт шалгуул.
• Бие өвдөж, ядрах, халуурах зэрэг шинж тэмдэгтэй бол заавал эцэг эх, дасгалжуулагчдаа хэлээрэй.
• Уралдааны дүрэм, зааврыг сайтар сонсож мөрд.
Уралдааны үеэр
• Тайван байж, морио хүчээр цочоохгүй байхыг хичээ.
• Бусад морьтой хэт ойртож шахалдахгүй байх.
• Хэрэв морь үргэж, хяналтаас гарвал хамгийн түрүүнд өөрийн аюулгүй байдлыг бод.
• Осол гарсан тохиолдолд шууд томчуудад мэдэгдэж, эмнэлгийн ажилтнаас тусламж ав.

Уралдааны дараа
• Биеийн байдлаа шалгуулж, ус сайн ууж, амар.
• Толгой, гар, хөл өвдөх, толгой эргэх зэрэг шинж илэрвэл заавал эмчид үзүүл.
• Морио ч мөн амрааж, арчилж тордоорой.
Санамж
• Аюулгүй байдал бол түрүүлэхээс ч илүү чухал.
• Хамгаалах хэрэгслийг үргэлж зөв өмс.
• Томчуудын зөвлөгөө, зааврыг үргэлж дагаж мөрд.
• Өөрийн эрүүл мэнд, амь насыг хамгийн түрүүнд эрхэмлээрэй.

ЭРҮҮЛ, АЮУЛГҮЙ УРАЛДАЖ САЙХАН НААДААРАЙ.

Эх сурвалж: Хүүхэд, гэр бүлийн хөгжлийн газар