Үндэсний их баяр наадамд амжилт үзүүлсэн бөх, уяач, харваачдад төсвөөс олгох бай, шагналын жишиг хэмжээг Засгийн газрын тогтоолоор баталсан байдаг. Харваачдын шагналын хэмжээнд 2014 онд өөрчлөлт оруулж, шагналын санг нэмэгдүүлжээ. Тодруулбал, Улсын их баяр наадамд:

Бөх

• Түрүүлсэн бөх – 15 сая төгрөг
• Үзүүрлэсэн бөх – 10 сая төгрөг
• Шөвгөрсөн бөх – 7 сая төгрөг

Хурдан морь

• Түрүү айраг – 5 сая төгрөг
• Аман хүзүү – 3 сая төгрөг
• Айргийн гурав – 2 сая төгрөг
• Айргийн дөрөв – 1.5 сая төгрөг
• Айргийн тав – 1 сая төгрөг

Үндэсний сурын харваа

• I байр – 8 сая төгрөг
• II байр – 6 сая төгрөг
• III байр – 4 сая төгрөг
• IV байр – 2 сая төгрөг
• V байр – 1.5 сая төгрөг

Харин аймгийн баяр наадамд түрүүлсэн бөх болон түрүү айраг тус бүр 400 мянган төгрөг, сурын харвааны тэргүүн байр 300 мянган төгрөгийн байтай. Сумын баяр наадамд түрүүлсэн бөх, түрүү айраг 150 мянган төгрөг, сурын харвааны тэргүүн байр 100 мянган төгрөгийн шагнал хүртэх жишигтэй байна. Эдгээр нь төсвөөс олгох жишиг хэмжээ бөгөөд орон нутгийн онцлог, зохион байгуулагчдын шийдвэр, ивээн тэтгэгчдийн дэмжлэгээс шалтгаалан шагналын хэмжээ нэмэгдэх боломжтой аж.