Төрт ёсны энэ эрхэм өдөр төрийн эрх барих дээд байгууллагыг удирдан ажиллаж байсан үе үеийн Улсын Их Хурлын дарга нартаа хүндэтгэл үзүүллээ.

Монгол Улсын байнгын ажиллагаатай парламентын түүхийг бүтээлцсэн эрхмүүдийн удирдан ажилласан Улсын Их Хурал бүр өөр өөрийн цаг үеийн түүхэн сорилтыг даван туулж улс орны хөгжилд шинэ хуудсыг нээсэн юм.

Тэдний хуримтлуулсан мэдлэг, хууль тогтоох үйл ажиллагааны баялаг туршлага, алсын хараа, мэргэн сургамж, үнэтэй санал зөвлөмж, үлдээсэн ололт амжилтыг үргэлжлүүлж, улс орон, ард түмнийхээ нийтлэг эрх ашгийг эрхэмлэж ажиллах нь эдүгээ ачаа үүрч яваа бидний ажил үйлст түшиг тулгуур болох нь эргэлзээгүй.