Мэргэжлийн болон техникийн боловсролын сургалтын байгууллагын суралцагчдад олгох тэтгэлгийн талаар Боловсролын ерөнхий газрын дарга Х.Тамир танилцууллаа. Тэрбээр "Мэргэжлийн болон техникийн боловсролын сургалтын тэтгэлэг халамжийн шинжтэй болсон. Тэтгэлэг үр дүнд чиглэсэн хөрөнгө оруулалт байх ёстой.

Өнөөдрийн байдлаар суралцагчид үнэ төлбөргүй суралцаж, дотуур байранд хамрагдаж, хоолны зардлаа улсаас төлүүлж байна. Мөн суралцах хугацаанд сар бүр 200 мянган төгрөгөөр тооцож нэг жил суралцвал 2 сая, гурван жил суралцвал 6 сая төгрөгийн тэтгэлэг авч байгаа юм.
Энэ жил гэхэд 13 мянга гаруй төгсөгчийн тэтгэлэгт 55 тэрбум төгрөг шаардлагатай байна” гэв.

Мөн энэ тогтолцоог шинэчилж, хөдөлмөрийн зах зээлтэй уялдуулах, суралцах мэргэжлийн чиглэлийг тодорхой болгох бодлогын арга хэмжээ авах шаардлагатайг онцоллоо.