Хотын шинэхэн дарга Б:ПҮРЭВДАГВА гудамжаар алхаж явахдаа хальтирч унасан гэв. Энэ нь наанаа нэг дарга хальтирч унасанд бус иргэд эрүүл, аюулгүй орчинд амьдрах эрх нь зөрчигдөж буйг илэрхийлсэн хэрэг. Учир нь энэ намрын хоёр дахь цас, хотын дарга, шинэ удирдлагын багийн ажлыг шалгасан "сорилт" байсан гэж болно. Өчигдөр өдөр орсон цас оройхондоо хайлж, мөстсөн нь ийнхүү гулгаа, хальтиргаа үүсэхэд нөлөөлсөн байна. Тиймээс давс бодисоо цацаж, цас мөсөө цохиж арилгах ажилд ТҮК-ийнхэний ажлын ачааллыг нэмэгдүүлсэн байна. ТҮК-ийнхэн шөнийг 03 цагаас хойш ажилдаа гарсан гэнэ.