ДУНДГОВЬ АЙМАГ ДАХЬ ШҮҮХИЙН ШИЙДВЭР ГҮЙЦЭТГЭХ ГАЗАР “ӨГӨӨМӨР ДУНДГОВЬЧУУД” УРИАН ДОР “ИЛҮҮГЭЭ ТҮГЭЭЕ” АЯНЫГ ГУРАВ ДАХЬ ЖИЛДЭЭ ЗОХИОН БАЙГУУЛЛАА

Шүүхийн шийдвэр гүйцэтгэх ерөнхий газрын харьяа Дундговь аймаг дахь Шүүхийн шийдвэр гүйцэтгэх газар “Илүүгээ түгээе” аяныг 2025 оны 07 дугаар сарын 30-ны өдрөөс 08 дугаар сарын 30-ны өдрийг хүртэлх хугацаанд зохион байгууллаа.

Тус аяны хүрээнд аймгийн төвийн 16 төрийн байгууллагаас 94 төрлийн 610 эд зүйлс цугларсныг ар гэрийн холбоогүй хоригдогч, хоригдол болон баривчлагдсан этгээдүүд, аймгийн төвийн 5, хөдөөгийн 2 багийн зорилтот буюу өрх толгойлсон, амжиргааны түвшин доогуур орлоготой 34 өрхийн 189 иргэн, хүүхдэд хувцас, хичээлийн хэрэгсэл, хүүхдийн тоглоом, гэр ахуйн бараа зэрэг хэрэгцээт бүтээгдэхүүн олголоо.

Аянд нэгдсэн төрийн болон төрийн бус байгууллага, иргэд та бүхний цаашдын ажил үйлсэд амжилт хүсэхийн ялдамд цэвэрлэгээ үйлчилгээ хийх шаардлагатай бүтээгдэхүүнийг нийгмийн хариуцлагын хүрээнд үнэ төлбөргүй цэвэрлэж өгсөн FAST&CLEAN хими цэвэрлэгээний газрын хамт олонд талархал илэрхийлье.