Тэтгэврийн зээлийн хугацаа 36 сар боллоо. Үр дүнд ахмадуудын гарт сар бүр үлдэх мөнгө нэмэгдэж, эм тариа, өдөр тутмын амьдралдаа бага боловч дэмжлэг болно. УИХ-ын гишүүн Н.УЧРАЛ бүрэн эрхийнхээ хүрээнд Монголбанк болон арилжааны банкны удирдлагуудтай уулзаж ярилцсаны эцэст ийнхүү тэтгэврийн зээлийн хугацааг уртасгаж 36 сар болголоо. 

Одоо Засгийн газар тэтгэврийн реформын хуулиа яаралтай өргөн барих шаардлагатай байна. Ахмадуудын нийгмийн хамгааллыг бүхэлд нь шинэчилж, ирээдүйн тогтолцоог тогтвортой болгох энэ реформ бол маргааш гэж хойшлуулалгүй яаралтай хийх ажил юм.