Монгол Улс 2026 онд Төв Азийн бүс нутгийн эдийн засгийн хамтын ажиллагаа (КАРЕК)-ны хөтөлбөрийг даргалж, Сайд нарын 25 дугаар бага хурал болон холбогдох өндөр түвшний уулзалт, арга хэмжээг Улаанбаатар хотноо зохион байгуулж байна. Бага хурлын хүрээнд Монгол Улсын Сангийн дэд сайд Б.Хулан КАРЕК-ны гишүүн улс орнуудын хоорондын Хөрөнгийн зах зээлийн хөгжлийн форумын тухай харилцан ойлголцлын санамж бичигт гарын үсэг зурлаа.

Тус санамж бичиг нь бүс нутгийн хамтын ажиллагааг бэхжүүлэх замаар КАРЕК-ны гишүүн орнуудын хөрөнгийн зах зээлийн гүнзгийрэл, үр ашиг, тэсвэртэй байдлыг нэмэгдүүлж, зах зээлүүдийн харилцан уялдааг сайжруулах зорилготой юм.