Ерөнхий сайдад нэр дэвшигч Г. Занданшатар бараг 10 -аад цагийн турш гишүүдийн асуултад маш логиктой, тоо баримттай, хуулийн үндэслэлтэй, тодорхой хариуллаа. Төрд олон жил чанагдсаных аль ч салбарын асуултад бүдэрсэнгүй. Харин ч асуулт тавьж буй гишүүдийн өөрийнх нь оролцоо, өмнөх хандлагыг нь ч сануулж байх жишээтэй.

Намайг Ерөнхий сайдад нэр дэвшихийг журмын нөхөд маань санал болгосон. Хүнд цаг үе гээд хойш сууж,хариуцлагаас зугтаж би чадсангүй.

Төсөвт тодотгол хийж, төсвийг 2.3 их наядаар бууруулахаас өөр аргагүй болсон.

Ард түмнийхээ халаас руу гар дүрэхгүй. Төр өөрөө бүсээ чангална.

Шатыг дээрээс нь шүүрддэгийн адил Төрийн данхар бүтцийг дээрээс нь цэгцэлнэ.

Төрийн өмчит 129 компанид 12.9 мянган хүн ажиллаж байна. Төрийн өмчит компанийн үр ашгийг сайжруулж, шинэчлэл хийж, төрийн өмчит компанийн тоог хоёр дахин бууруулна.

Тансаг хэрэглээний татварыг нэмнэ. Хувийн онгоц, үнэтэй машин, импортын тансаг зэрэглэлийн архи виски… гэх мэт. Харин НӨАТ-ын буцаан олголтыг нэмнэ.

Хууль зөрчиж авсан бол Төгрөг нуур, Ухаахудаг …. гээд ордуудыг Салхитынх шиг төрийн мэдэлд авна.

Оюутолгой Эрдэнэтээс хэд дахин бага татвар төлж буй нь шударга бус.

Төрийн залгамж чанарыг барьж өмнөх ЗГ-ын мөрийн хөтөлбөрийг үргэлжлүүлнэ.

Хүний хөгжлийн мега төсөл хэрэгжүүлнэ

Парламентийн ардчилалыг хэрэгжүүлсний дүнд УИХ нээлттэй сонсголууд хийж олон хулгай луйвар ил болсон. Цаашид ч ил тод байх зарчим барина.

Ураны асуудалд олон улсад хүлээн зөвшөөрөгдсөн лабораториор үнэлгээ хийлгэнэ.

Нийт өрхийн 69% өр зээлтэй байна. Ард түмнийхээ нуруун дээрээс татварын дарамтыг авч хаяхаар цогц реформ хэрэгжүүлнэ.

Дотоодын аж ахуйн нэгж, баялаг бүтээгчдээ дэмжинэ. Хууль эрх зүйн орчноос эхлээд бүх зүйлийг тодорхой болгоно.

Авлигын эсрэг шударга ёсны тэмцлийг эрчимжүүлнэ.

Баялгийн санг арвижуулж түмэн олноо баялагтаа эзэн болох ажлыг эрчимжүүлнэ.

Хэвлэл мэдээллээр талцуулж, төсвийн мөнгийг үр ашиггүй зарцуулж, эв нэгдлийг хагалган бутаргах ажлыг таслан зогсооно.