Монгол Улс даяар сургууль, цэцэрлэгийн шинэчлэл, бүтээн байгуулалтын ажлыг эрчимтэй хийсэн. Шинээр баригдаж буй сургууль, цэцэрлэгт хүүхдийн эрүүл мэндэд сөрөг нөлөөгүй материал, будаг ашигласан эсэхэд Боловсролын сайд Л.Энх-Амгалан хяналт тавьж ажиллаж байгаа юм.

Мөн шинээр баригдаж буй сургууль, цэцэрлэгүүдийг хичээлийн шинэ жил эхлэхээс өмнө буюу есдүгээр сарын 1-нээс ашиглалтад оруулахаар төлөвлөжээ. Энэ хичээлийн жилд нэг ангид 35-аас дээш хүүхэд суралцуулахгүй, сургуулиудыг гурван ээлжээр хичээллүүлэхгүй байх зорилт тавьсан байна.