Евро АИ-92 бензиний үнэ нэмэгдсэнтэй холбоотойгоор жолооч, иргэдийн бухимдалтай  байна. Аж үйлдвэр, эрдэс баялгийн яамны мэдээлснээр АИ-92 бензиний импортын хил үнэ тонн тутамд 851 ам.долларт хүрч өссөн нь үнийг литр тутамд 200 төгрөгөөр нэмэгдүүлэх шалтгаан болсон байна. Мөн Монгол Улс ОХУ-тай шатахууны үнийг тодорхой хугацаанд тогтмол тохиролцож, хил үнийн өөрчлөлтийг даган шинэчлэх гэрээтэй гэж тайлбарлажээ.

Харин жолоочдын хувьд шатахууны үнэ ийнхүү нэмэгдэх нь өдөр тутмын зардалд шууд нөлөөлж, улмаар тээврийн болон бараа, үйлчилгээний үнэ өсөх эрсдэлтэй хэмээн үзэж байна.