Татвар төлөгчдийн мөнгө ИНЕГ-ын дарга нарын ходоод руу АРХИ, ТАХИ, ХООЛ болоод орчихож байгаа нь харамсалтай. Засгийн газрын 43 тоот хэмнэлтийн тогтоол, УИХ-аар баталсан ХЭМНЭЛТИЙН ХУУЛЬ зэрэгтэй холбоотойгоор үдэшлэг цэнгүүн, хүлээн авалт, архидан согтуурахыг хориглосон.  Гэтэл Иргэний нисэхийн Ерөнхий газрын ТОМ ТОЛГОЙТОЙ дарга нар дур мэдэж, нийтийн мөнгийг зориулалтын бусаар ууж идэхэд зарцуулсан баримт дурайгаад, гарын үсэг тамгатайгаа, он сартайгаа гараад ирлээ.

Он сарыг нь хөөвөл 2023 оны 11 сарын эхний 10 хоногт тус байгууллагынхан ямар нэгэн тэмдэглэлт баяр тохиожээ гэж ойлгож болохоор байна. өнгөрсөн оны 11 дүгээр сарын 09-нд Улаанбаатар хот дахь үнэтэй үйлчилгээний газруудын нэг “Блю Скай Эйжиа” ХХК-ийн “Jade” танхимд 120 хүний хүлээн авалт зохион байгуулж, тус бүрт нь 85 мянгын хоол, 60 мянган төгрөгийн   багц авсан байна.

Түүнчлэн “Чингис хааны хүрээ” цогцолборт 2023 оны 11 сарын 10-нд найрлах даа 10 сая төгрөг зарцуулж, АРХИ, ХООЛ УНД, УРЛАГИЙН ТОГЛОЛТ үзсэн байна. Урлагийн тоглолтын төлбөрт мөн 10 сая төгрөг нийлээд 40 орчим сая төгрөгийг НАРГИЖ ЦЭНГЭХ, АРХИДАН СОГТУУРХАД зарцуулсан байна.