МОНГОЛ УЛСЫН ЕРӨНХИЙ САЙД, ЗАСГИЙН ГАЗРЫН ГИШҮҮНИЙ АЛБАН ҮҮРГИЙГ ХАВСРАН ГҮЙЦЭТГЭХ УИХ-ЫН ГИШҮҮНИЙ УИХ-ЫН ЧУУЛГАНЫ АЖИЛЛАГААНД ОРОЛЦОХ ЖУРМЫГ БАТАЛЛАА

Ёс зүй, дэгийн байнгын хорооны өнөөдөр /2025.01.08/-ийн хуралдаанаар Ерөнхий сайд, Засгийн газрын гишүүнээр томилогдсон Улсын Их Хурлын гишүүн чуулганы ажиллагаанд оролцох журам батлах тухай байнгын хорооны тогтоолын төслийг хэлэлцлээ. Тогтоолын төслийг УИХ-ын гишүүн, ажлын хэсгийн ахлагч А.Ариунзаяа уншиж танилцуулав. Хэлэлцэж буй асуудалтай холбогдуулан УИХ-ын гишүүн Х.Баасанжаргал, Б.Хэрлэн, Д.Рэгдэл нар тодруулж, санал хэлэв. Журмыг байнгын хорооны хуралдаанд оролцсон гишүүдийн олонх дэмжиж баталлаа.