Өнөөдөр /2025.02.15/ Монгол улс Улаанбаатар хот Аса Аренад WBA мэргэжлийн боксын холбооны ээлжит тулаан болж өндөрлөлөө. Уг тэмцээнд нийтдээ 9 тулаан болж Монгол улсын есөн тамирчин бүгд ялалт байгуулсан гайхалтай амжилт үзүүллээ. Өнөөдрийн онцлох тулаанаар МУГТ Н.Төгсцогт , МУГТ Э.Цэндбаатар нарын тулаан байлаа. МУГТ Н.Төгсцогт боксын спортоосоо түр хөндийрөөд байсан ч өнөөдөр эргэн ирсэн гэдгээ дэлхий нийтэд зарлаж чадлаа. Харин МУГТ Э.Цэндбаатарын хувьд Мексик улсын тамирчин Педро Родригезтэй тулалдсан бөгөөд тулаан эхний үеэсээ эхлэн ширүүн өрсөлдөөнтэй эхэлсэн ч МУГТ Э.Цэндбаатар 6-р үед өрсөлдөгчөө дутуу гарган ялалт байгуулснаар мэргэжлийн боксд 12-0 гэсэн гайхалтай амжилттайгаар өөрийн карераа үргүүлжлүүлэхээр боллоо.