Энэ сарын 07-ны өдрийн үүрээр морьт харвааны бэлтгэлд байсан 18 тооны морьд хулгайд алдагдсан хэрэг гарсан. Морьт харвааныхан хулгайд алдагдсан 18 морины сургийг гаргаж, үнэ цэнтэй мэдээлэл өгсөн хүнд 10 сая төгрөг өгнө гэж байв. Гэвч хулгайд алдагдсан морьт харвааны морьдыг нядлаад махалсан байжээ.

Энэ талаар морьт харвааны тамирчин Н.Алтанхуяг, "Харамсалтай мэдээ та бүхэндээ хүргэж байна !!!

Ийм сайхан хүлгүүдийг минь бүгдийг нь алаад махалжээ. 7 жил хөдөлмөрлөж хайрлаж хамгаалж үнэнч андаа болгосон байсан юмсан . Олон ээж аавын хүүхдүүдийг Монгол өв соёлд сургаж морь унаж эдлэх соёлд дурлуулж , олон морьт харвааны тамирчидыг төрүүлэн гаргаж байсан хайран сайхан хүлгүүд минь. Монголоо дэлхий дахинд сурталчлах таниулах Монгол гэх омогшил төрүүлдэг хүлгүүд минь байсан юмсан." хэмээн бичжээ.