Залуусын хэрэглээнд хэдийн нэвтрээд буй мопед, скүүтэрийн зохистой хэрэглээг бий болгох, хөдөлгөөнд оролцох соёлыг хэвшүүлэх, бүртгэл, зөвшөөрөл, ашиглалт, хурдны хязгаар тогтоох, замын хөдөлгөөнд оролцогчийн нас болон хамгаалалтын шаардлага, бүсчлэл, зогсоол, хяналт, даатгалыг зохицуулж, иргэний аюулгүй байдлыг хангах зорилгоор чиг үүрэг бүхий газар, хувийн хэвшлийн төлөөллөөс бүрдсэн Ажлын хэсгийг байгуулсан. Тус Ажлын хэсгийг НИТХ-ын төлөөлөгч Т.Батцогт ахалж буй. Ажлын хэсэг өнөөдөр хуралдаж журмын төслийг хэлэлцлээ. Ажлын хэсгийн гишүүдийн саналыг нэгтгэж, журмын төслийг НИТХ-ын Ээлжит IV хуралдаанд хэлэлцүүлэхээр боллоо.