“Монгол” нүүдэлчин өвлийн фестивалийн хаалтын арга хэмжээнд Хурд хамтлаг оролцоно

Маргааш буюу хоёрдугаар сарын 22-ны өдөр “Монгол” нүүдэлчин өвлийн фестивалийн хаалтын арга хэмжээнд Хурд хамтлагийн тоглолт 13:00 цагаас “Мазаалай” төв тайзнаа болох юм.

Монголын рок, поп урлагийн амьд домог болсон, Төрийн соёрхолт Хурд хамтлаг өвлийн фестивалийн сүүлийн өдрийг уран бүтээлээрээ чимж, мөсөн тайзнаа үнэ төлбөргүй тоглон үзэгчдэд мартагдашгүй дурсамж үлдээх гэж байна. Та бүхнийг энэхүү тоглолтод хүрэлцэн ирж, өвлийн фестивалийн уур амьсгалыг хамтдаа мэдрэхийг урьж байна.